Suriyada "Hurrasud-Din" radikal qruplaşmasının lideri öldürülüb.
GunAz.az xəbər verir ki, naməlum hava zərbələri nəticəsində əl-Qaidə tabeçiliyində olan "Hurrasud-Din" qruplaşmasının lideri Əbu-Xədicə əl-Urduni öldürülüb.
Məlumata görə qruplaşma lideri İdlib əyalətinin Tarmanin kəndi ərazisinə hava zərbələri endirilən zaman ölüb.
Hava zərbələrinin ABŞ koalisiyası tərəfindən həyata keçirildiyi ehtimal edilir.
Qeyd edək ki, Hurrasud-Din 2018-ci ildə əl-Qaidənin sabiq Suriya qanadı "ən-Nusra Cəbhəsi"nin parçalanmasından sonra varlığını elan edib. Ötən sentyabr ayında ABŞ hökuməti bu qruplaşmanın 3 üzvünün başına 5 milyon dollar pul qoymuşdu. Qruplaşma son iki ildə Suriyanın şimalında ordu qüvvələrinə hücumda fəal iştirak edib.
