Suriya Ordusu "ən-Nusra Cəbhəsi" terror təşkilatının Hələb şəhərinin qərbindəki ər-Raşidin qəsəbəsinə etdiyi hücumun qarşısını alsa da terror təşkilatının Hələbin müxtəlif rayonlarına atdığı raketlər və mərmilər nəticəsində azı 7 nəfər həyatını itirib.
GunAz.az xəbər verir ki, "ən-Nusra Cəbhəsi" terror təşkilatının Hələb şəhərinin müxtəlif rayonlarına atdığı raket və mərmilər 7 nəfərin həyatına son qoyub və 30 nəfərin yaralanması ilə nəticələnib.
Eyni zamanda Suriya Ordusu və Rusiya Hərbi Hava Qüvvələri Hələb və İdlib əyaləti ərazisində "ən-Nusra Cəbhəsi" terror təşkilatına və onun tabeçiliyində olan "Əcnadul-Quqaz"a hava zərbələri endiriblər.
Artıq iki gündür İdlib və Hələb əyalətlərində döyüş cəbhələrində qarşıdurmalar yenidən baş qaldırıb.
N.SAFURA
