Azərbaycan Prezidenti cənab İlham Əliyevin çıxışından sonra erməni lobbisinin əsas dayağı hesab edilən Amerikanın Erməni Milli Komitəsi (ANCA) gələn il ABŞ-da keçiriləcək prezident seçkiləri üçün namizədliyini irəli sürən Vivek Ramasvamyın məlum bədnam çıxışı ilə bağlı posta girişi məhdudlaşdırıb.
Bu barədə millət vəkili Vüqar Bayramov qeyd edib.
O bildirib ki, ANCA bu video ilə Azərbaycana qarşı saxta kampaniya qurmuşdu və bu qərəzli video kifayət qədər ciddi müzakirələrə səbəb olmuşdu:
“Cənab Prezidentin məsələyə münasibətindən sonra ermənilər Ramasvamyın saxta çıxışını artıq gizlətməyə çalışırlar”.
Qeyd edək ki, 44 günlük müharibə zamanı Ermənistanın Azərbaycanın Gəncə və Bərdə şəhərlərini raket atəşinə tutması görüntülərini ermənilər saxtakarlıqla Azərbaycanın "təcavüzkarlığı" kimi təqdim etmişdilər.
