Uinston Çörçilin çəkdiyi siqaretin kötüyü hərraca çıxarılıb. Olaylar.az xəbər verir ki, 1953-cü ildə Londonun "Kolizey" teatrının əməkdaşı Violetta Kinq siqaret kötüyünü əldə edib. O, siyasətçi və xanımını lojaya qədər müşayət edib və siqaret kötüyünü özü ilə götürüb.
Sonradan Kinq Çörçilə məktub yazaraq siqaret kötüyünü nümayiş etdirməyə icazə verməsini xahiş edib. Bir həftə sonra Uinstonun şəxsi katibi ona bu ideyanın əleyhinə olmadığını bildirib.
Hazırda siqaret kötüyü hərraca çıxarılıb və start qiyməti 7300 dollardır.
Qeyd edək ki, bu, Britaniya baş nazirinin hərraca çıxarılan ilk siqarı deyil. 1947-ci ildə Fransanın "Le-Burje" hava limanında qalan siqar kötüyü də 12 min dollara satılıb.
