Polşa prezidenti Anjey Duda və ABŞ prezidenti Co Baydenin görüşü 2 saat gecikmə ilə baş tutub.
GunAz.az Polşa mətbuatına istinadən xəbər verir ki, Amerika prezidentinin Polşada qarşılanma mərasimi planlaşdırıldığı kimi hava limanında deyil, Ukraynadan olan qaçqınlara yardım edən humanitar təşkilatların nümayəndələri ilə görüşdən əvvəl baş tutub.
Xatırladaq ki, Polşa prezidentinin təyyarəsi Baydenlə görüş üçün Ukrayna sərhədi yaxınlığındakı Jeşuv şəhərinə gedərkən Varşavaya təcili eniş etməli olub.
