"İraqda dini turizm və ölkənin müxtəlif şəhərlərinə ziyarət turlarının təşkili yarıya enib."
GunAz.az xəbər verir ki, bu barədə "Nəcəf Otelləri Birliyi"nin məsul şəxsi Məhəmməd Abbas ən-Nəcəfi deyib.
Onun sözlərinə görə etirazlar baş qaldırandan sonra ölkədə dini turizm çox zəifləyib və hətta son həftələrdə ziyarət turlarının sayı yarıya enib.
İraqın adıçəkilən qeyri-rəsmi qurumunun üzvü bildirib ki, etirazların keçirildiyi məkanlar ziyarət yerlərinə uzaq olsa da onun mənfi təsirləri göz qabağındadır.
Məhəmməd Abbas ən-Nəcəfi bu geriləmənin əsas səbəblərindən biri kimi İranın konsulluğunun yandırılmasından sonra qonşu ölkədən gələn zəvvarların kəskin azalması olduğunu bildirib.
