Qırğızıstan Prezidenti Sooronbay Jeenbekov beynəlxalq təşkilatları və maliyyə qurumlarını islahatları sürətləndirmək üçün respublikaya dəstək göstərməyə çağırıb.
GunAz.az "Anadolu"ya istinadla verdiyi xəbərə görə, Prezident Bişkekdəki forumdakı çıxışında hakimiyyətin yaxın 5 il üçün iqtisadiyyat, təhsil və səhiyyə sahəsində görüləcək işlərdən danışıb.
Jeenbekov forum iştirakçılarına korrupsiyaya qarşı mübarizə, sosial sahənin inkişafı, təhlükəsizlik sistemləri, habelə infrastruktur layihələri barədə məlumat verib.
Onun sözlərinə görə, Qırğızıstanın islahatların sürətlənməsi üçün köməyə ehtiyacı var.