İraq gündən-günə xaosa sürüklənir.
Bu sözləri İraq Türkman Cəbhəsinin lideri Ərşad Salehi GunAz.az-a danışarkən deyib. Onun sözlərinə görə, Əbdülmehdi istefaya getməsə, daha ağır nəticələr ola bilər:
“Kürd qüvvələr xaosdan istifadə edərək yenidən öz sərhədlərini genişləndirməyə çalışır. Bu, məmləkətimiz və türkmanlar üçün böyük bir təhdiddir”.
Qeyd edək ki, İraqda etiraz aksiyaları 1 oktyabrdan başlayıb. İddialara görə, hökumət qüvvələri ilə toqquşmalar nəticəsində 82 nəfər həlak olub.
Bəzi mənbələr isə ölənlərin sayının 157, yaralıların isə 3500 nəfər olduğunu bildirir.
