İranda hüquq-mühafizə orqanları Tehran teraktları ilə əlaqədar 8 nəfəri həbs edib. "Ria Novosti" agentliyinə istinadla xəbər verilir ki, bununla bağlı İranın Ədliyyə naziri Əhməd Fazelian məlumat verib.
Onun sözlərinə görə, saxlanılan şəxslər terrorçulara dəstək verməkdə ittiham olunurlar.
Bununla da məlum teraktlarla əlaqədar saxlanılan şəxslərin sayı 41 nəfərə çatıb.
Qeyd edək ki, terror aktları nəticəsində 17 nəfər həlak olub, 52 nəfər yaralanıb.
