Rusiya və Ermənistan arasındakı münasibətlər kəsilməyib və kəsilə bilməz.
Bu sözləri Kremlin sözçüsü Dmitri Peskov Ermənistanın Baş naziri Nikol Paşinyanın bütün dövlət qurumlarına Rusiya ilə əlaqələri bərpa etməyi tapşırdığı barədə Ermənistan KİV-lərində yayılan məlumatları şərh edərkən deyib.
"Ermənistan bizim dost ölkəmizdir, suveren dövlətdir, bizi çox şey birləşdirir. Həm ikitərəfli, həm tarixi, həm mədəni, həm də Avrasiya İqtisadi İttifaqı kimi mühüm inteqrasiya birliyində birgə iştirak baxımından", - Peskov əlavə edib.
