Madriddə on minlərlə insan mərkəzi meydana toplaşaraq baş naziri Pedro Sançesin istefasını tələb ediblər.
Aksiya ifrat sağçı "Vox” partiyasının təşəbbüsü ilə təşkil olunub. Etirazçılar hesab edirlər ki, Sançes hökuməti ölkə sakinlərini iqtisadi böhrandan, malların, elektrik enerjisinin və yanacağın bahalaşmasından xilas edə bilmir.
Polisin hesablamalarına görə aksiyada 30 minə yaxın adam iştirak edib, lakin təşkilatçılar 80 mindən çox nümayişçinin toplaşdığını bildiriblər.
