Bakıdan Qroznıya uçan təyyarəmiz Rusiya torpağında raketdən atılan mərminin zərbəsindən müvazinətini itirmiş , təyyarənin səriştəli kapitanı və pilotumuz təyyarəni Qazaxıstan torpağında yerə endirməyə məcbur olmuşdur .
GunAz.az xəbər verir ki, rus dispeçerlərinin məqsədi sərnişin dolu təyyarəmizi Xəzərin dərinliklərində batırmaqla cinayətin üstünü örtməyə çalışsalar da pilotlarımız son anda təyyarəni yerə endirməyə nail olmuşlar.
39 nəfər həlak olsa da , 28 nəfərin həyatını xilas etmək mümkün olmuşdur.
Stüardessa Hökumə Əliyeva son dəqiqələrdə öz vəzifə borcunu ləyaqətlə yerinə yetirmiş və sərnişinləri təlimata uyğun sakit olmağa çağırmışdır.
Əslən Kəlbəcər rayonundan olan Hökumə Əliyeva, təyyarənin komandiri və pilotumuz Prezidentin Sərəncamı ilə Azərbaycanın Milli Qəhrəmanı adına layiq görülmüşlər.
Fevralın 6- da Hökumə Əliyevanın 40 mərasimi keçirilmişdir .
Bir qrup Vətən müharibəsi iştirakçıları , qazilərimiz və veteranlarımızla birlikdə Fəxri xiyabanda uyuyan Hökumə Əliyevanın məzarını ziyarət etdik , cəmi şəhidlərimizin xatirəsi bir dəqiqəlik sükutla yad edildi.
Dualar oxundu.
Sonra tədbir iştirakçıları Heydər Məscidinə gələrək Vətənin qəhrəman qızı Hökumə Əliyevanın 40 mərasimində iştirak etdilər.
Vətən müharibəsi qazilərimiz- İsa Zakir oğlu Musayev , Mübariz Qənimət oğlu Səfərov, Elşad İslam oğlu Musayev, Azər Aydın oğlu Əsgərov, Sahib Nail oğlu Əsgərov, Nəriman Lətif oğlu Vəliyev, İsmayıl Həbib oğlu Veyisov , Şəhid qardaşı Elməddin Heydər oğlu Nəbiyev, Ənvər Məmmədov, ilahiyyatçılardan Seyidqasım Mircəfər oğlu Məmmədov, Hamlet Rzayev , Rəşad Əhmədov və bu sətirlərin müəllifi vətənin mərd qızının atasına, həyat yoldaşına və doğmalarına
baş sağlığı verərək kədərləndiklərimizi bildirdik.
Məclisdə Nazirlər kabinetinin məsul işçisi Qurban Sadıqov, Abşeron rayon icra hakimiyyətinin başçısı Abdin Fərzəliyev, Kəlbəcər camaatı üçün xeyirxah işlər görmüş nazir müavini Cavid Qurbanov, Kəlbəcər rayon YAP sədri Həbib Misirov , " Ozan" verilişinin aparıcısı , filoloq Qorxmaz Tofiqoğlu , el sənətkarı Aşıq Ədalət və digər məsul şəxslər də iştirak etdilər.
Çox təəssüflər olsun ki, nə bir deputatı, nə bir naziri bu məclisdə görə bilmədik .
Şeyxülislam Allahşükür Paşazadəni isə bir şəhid məclisində heç görən olubmu?
Havanın soyuq olmasına baxmayaraq Vətənin mərd qızı Hökumə Əliyevanın anım günündə iştirak edənlər vətəninin ən qeyrətli, mübariz , mərd
övladlarıdır.
Ruhunuz şad olsun Şəhidlərimiz !
Bütün şəhid məclislərində fəal iştirak edən qazimiz İsa Zakir oğlu Musayevin təklifi ilə xatirə şəkli çəkdirdik.
Rauf İLYASOGLU
