Partiya sədri: «Şanlı
ordumuzun erməni hərbçilərini son nəfərinə qədər torpaqlarımızdan qovacağı heç
kəsdə şübhə doğurmur»
«Müzəffər ordumuz Ali Baş Komandanın rəhbərliyi
altında hər gün işğal altında olan ərazilərimizi bir-birinin ardınca azad etməkdə,
xalqımızı yeni-yeni qələbələrlə sevindirməkdədir. Ordumuzun bu müzəffər yürüşü
göstərir ki, mənfur düşmən üzərində tam və qəti qələbəmiz, ərazi bütövlüyümüzün
təmin ediləcəyi günuzaqda deyil». Bu sözləri "Azad Azərbaycan"a
Təkamül Partiyasının sədri Teyyub Qənioğlu deyib.
Onun sözlərinə görə, torpaqlarımızın
işğal altında olduğu 30 il müddətində onun sülh yolu aradan qaldırılacağını
gözləyən və nəhayət ki, bunun mümkün olmayacağını nəzərə alan sülhsevər Azərbaycan,
BMT Nizamnaməsinin 51-ci maddəsini əsas tutaraq, ərazi bütövlüyünün təmin edilməsi
üçün haqlı olaraq hərb variantını seçmək, Vətən Müharibəsi aparmaq məcburiyyətində
qaldı: «Düşmən üzərində tam üstünlüyə malik olan şanlı ordumuzun erməni hərbçilərini
son nəfərinə qədər torpaqlarımızdan qovacağı heç kəsdə şübhə
doğurmur».
T.Qənioğlu bildirib ki, bu gün "baza
prinsipi"nin məzmunu qalsa da, onundetalları dəyişib: «Bu müharibədir,
təəssüf ki, itkilərsiz ötüşmür. Ona görə də, hərbi sahədə qəti üstünlüyümüzə
baxmayaraq, hər iki tərəfdə insan itkisinə yol verməmək üçün, Ali Baş Komandan
İlham Əliyevyenə də, sülh təşəbbüsü ilə çıxış edir. O, erməni
silahlı qüvvələrinin ərazilərimizdən çıxarılacağı təqdirdə hərbi əməliyyatların
dayandırılacağını, "baza prinsipləri" ətrafında sülh danışıqlarına
hazır olduğunu bildirir. Prezident, Ali Baş Komandan İlham Əliyevin "baza
prinsipləri" əsasında sülh danışıqlarına hazır olması haqqında fikirləri bəziləri
tərəfindən düzgün başa düşülmür, ehtiyat edilir ki, bu danışıqlar yenə də uzun
sürə, işğal davam edə bilər. Belə düşüncələrin yanlış olduğunu qeyd etmək üçün
ilk növbədə "baza prinsipləri" anlayışının məzmununa diqqət yetirmək
lazımdır."Baza prinsipləri" işğal altında olan torpaqların azad
edilməsini nəzərdə tutur! Ona necə, hansı yollarla nail olunması isə
detallardır».
Partiya sədri qeyd edib ki, Azərbaycan,
iqtisadiyyatının, ordusunun, beynəlxalq mövqelərinin nisbətən zəif olduğu XX əsrin
90-cı illərində, işğal olunmuş torpaqlarımızın sülh yolu ilə, mərhələlərlə azad
edilməsini nəzərdə tutan və əsasən Madrid Prinsipləri kimi tanınan "baza
prinsipləri" əsasında sülh danışıqlarını aparmağa, Dağlıq Qarabağa yüksək
özünü idarə statusu verilməsinə etiraz etmirdi: «Ancaq indi şərtlər dəyişib. Azərbaycan
inkişaf etmiş iqtisadiyyata, yenilməz orduya, güclü beynəlxaq mövqeyə,möhtəşəm
xalq-iqtidar birliyinə malikdir və şanlı ordumuz işğala son qoymaqdadır. İndi
"baza prinsipləri"nin reallaşdırılması dedikdə, Ali Baş Komandan
İlham Əliyevinqeyd etdiyi kimi, erməni silahlı qüvvələrinin, Dağlıq
Qarabağ da daxil olmaqla, işğal edilmiş bütün ərazilərimizdən qeyd-şərtsiz
çıxarılması üçün dəqiq qrafikin verilməsi nəzərdə tutulur. Və yəqin ki, Azərbaycan
xalqının yekdil rəyi, ermənilərin satqın, dönük xisləti nəzərə alınaraq, əsgər
və zabitlərimizin qanı bahasına azad edilmiş ərazilərimizdə ermənilərə hansısa
statusun verilməyəcəyini də özündə ehtiva edir. Ona görə də, Təkamül Partiyası
olaraq, Ali Baş Komandan İlham Əliyevin Azərbaycanın qeyd edilən şərtlər daxilində
sülh danışıqlarına hazır olması haqda mövqeyini dəstəkləyirik».
Partiya sədriəlavə edib ki, bu mövqe bir daha, faşistpərəst
Ermənistandan fərli olaraq, Azərbaycanın sülhsevər bir dövlət olduğunu bütün
dünyaya nümayiş etdirməkdədir.
Bilman İSAQ
скачать dle 12.1
