UEFA Avropa Liqasında yarımfinal mərhələsinin bütün iştirakçıları bəlli olub.
Son olaraq Şotlandiya "Reyncers"i adını növbəti mərhələyə yazdırıb.
Qlazqo təmsilçisi 1/4 finalın cavab oyununda Portuqaliya "Braqa"sı ilə qarşılaşıb. Görüşün əsas vaxtı meydan sahiblərinin 2:1 hesablı qələbəsi ilə başa çatıb. İlk matçda portuqaliyalılar minimal hesabla qalib gəldiyindən əlavə vaxt oynanılıb.
101-ci dəqiqədə daha bir qol vuran Şotlandiya təmsilçisi yekunda 3:1 hesablı qələbəyə sevinib.
Beləliklə, yarımfinalda "Reyncers" Almaniya "Leyptsiq"i ilə, İngiltərə "Vest Hem"i isə Almaniya "Ayntraxt"ı ilə üz-üzə gələcək.
Qeyd edək ki, yarımfinal qarşılaşmaları aprelin 28-də və mayın 5-də olacaq.
