Azərbaycanın FİFA referisi Əliyar Ağayev UEFA-dan yeni təyinat alıb.
37 yaşlı beynəlxalq dərəcəli hakim Bolqarıstanda “Ludoqorets” və İsveçrənin “Servett” komandaları arasında keçiriləcək Konfrans Liqasının pley-off mərhələsinin cavab oyununu idarə edəcək.
Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Kamal Umudlu yerinə yetirəcək. Qarşılaşmanın VAR hakimi Türkiyədən Alper Ulusoy, onun köməkçisi həmyerlisi Abdulkadir Bitigen olacaq. Oyunun hakim-inspektoru isə Fransadan Fredi Fautreldir.
Qeyd edək ki, fevralın 22-də Razqrad şəhərində keçiriləcək görüş Bakı vaxtı ilə saat 21:45-də start götürəcək. İlk qarşılaşma qolsuz heç-heçə ilə başa çatıb.
