Pakistanda 27 yaşlı peşəkar boksçu Məhəmməd Aslan Xan döyüş zamanı aldığı zərbədən vəfat edib.
"Tribune” nəşrinin məluatına görə, hadisə Kəraçi şəhərində baş verib.
Rəqibi Vəli Xan Tarinlə qarşılaşmada üzündən zərbə alan Məhəmməd yerə yıxılıb və huşunu itirib. Gənc boksçu tez bir zamanda xəstəxanaya çatdırılsa da, onun həyatını xilas etmək mümkün olmayıb. Aslan Xan aldığı zədə səbəbindən vəfat edib.
Əslən Bəlucistan vilayətindən olan boksçunun idman həyatı 2004-cü ildə başlayıb. 2017-ci ildə o, ölkə çempionu olub. Son illərdə isə peşəkar idman faəliyyəti ilə yanaşı, yerli seçki komissiyasında da çalışıb.
