Xətai Rayon Məhkəməsində 3 yaşlı körpənin ölümünə səbəb olan sürücünün məhkəməsi başlayır.
GunAz.az ölkə.az -a istinadən bildirir ki, cinayət məcəlləsinin 263.2-ci maddəsi ilə təqsirləndirilən Həsənov Şüriyyə Həsən oğlunun məhkəmə prosesinə hakim Habil Məmmədov sədrlik edəcək.
Hadisə avqust ayının 14-də Xətai rayonu, Nəsrəddin Tusi küçəsi 15-in qarşısında qeydə alınıb. Belə ki, gündüz saat 13 radələrində 1968-ci il təvəllüdlü Şuriyyə Həsən oğlu Həsənovun idarə etdiyi 62 saylı xətt avtobusu 2015-ci il təvəlldülü Aygün Kənan qızı Binnətovanı vurub.
Körpəni xəstəxanaya çatdırsalar da, onun həyatını xilas etmək mümkün olmayıb.
Faktla əlaqədar Xətai RPİ-nin İstintaq şöbəsində cinayət məcəlləsinin 263.2-ci maddəsiylə cinayət işi başlanıb və sürücü istintaqa cəlb olunub.