Rusiyanın Krasnodar diyarının Anapa şəhərində yaşayış binasının mansardında yanğın baş verib.
Bu barədə Rusiya Fövqəladə Hallar Nazirliyi bildirib.
Nazirlik bildirib ki, yanğın sahəsi min kvadratmetr qiymətləndirilir. Yanğının söndürülməsi üçün hadisə yerinə 100-dən çox canlı qüvvə və 37 texnika cəlb olunub.
Bildirilib ki, 440 nəfər, o cümlədən 112 uşaq təxliyə edilib, 1 nəfər yaralanıb.
