Azərbaycanın Ermənistana qaytardığı 6 hərbçi barəsində cinayət işi açılıb.
Bu barədə erməni mediası məlumat yayıb.
Sözügedən 6 hərbçi zərərçəkmiş qismində tanınmayıb, əksinə, barələrində cinayət işinin başlanması barədə qərar qəbul olunub. Belə ki, geri qaytarılan 6 hərbi qulluqçuya qarşı ölkənin cinayət məcəlləsinin 365-ci maddəsi ilə ittiham irəli sürülüb. Onlardan üçü zabitdir.
Qeyd edilib ki, 2020-ci ilin 16 noyabrında Azərbaycan hərbçiləri tərəfindən saxlanılan 32 erməni hərbçisindən bu günə kimi 26-sı geri qaytarılıb.
