Əfqanıstan hökuməti son həftələrdə İŞİD-in 600 üzvünün təslim olduğunu və bu terror təşkilatının ölkədə tamamilə məhv edildiyini bəyan edib.
GunAz.az xəbər verir ki, bunu Əfqanıstanın prezidenti Əşrəf Qəni deyib.
Əfqanıstan prezidenti Calalabad şəhərinə səfəri çərçivəsində bu şəhərin müxtəlif qəbilələrinin başçıları ilə görüşüb. O çıxışı zamanı bildirib ki, İŞİD ölkədə tamamilə məhv edilib.
O bildirib ki, son həftələrdə İŞİD-in 600 silahlısı ailələrilə birgə təslim olublar.
Bu arada Taliban Əfqanıstan prezidentinin bəyanatına tərəddüdlə yanaşıb və İŞİD-in Nəngərharda məhv edilməsi xəbərinin həqiqətdən uzaq adlandırıb.
N.SAFURA
