Gürcüstan Mərkəzi Seçki Komissiyası (MSK) prezident seçkilərinin ilkin nəticələrinə noyabrın 17-dək yekun vuracaq.
GunAz.az xəbər verir ki, bu barədə MSK-nın mətbuat katibi Anna Mikeladze deyib.
Onun sözlərinə görə, indiyədək Dairə Seçki Komissiyalarına 500-dək şikayət daxil olub.
“Şikayətlərin əksəriyyəti prosedur nöqsanları ilə bağlıdır, əsas tələb komissiya üzvlərinin intizam məsuliyyətinə cəlb etmək barədədir. Bununla belə, ayrı-ayrı şikayətlərdə başqa tələblər də irəli sürülür ki, bununla bağlı müvafiq tədbirlər görüləcək”, – MSK rəsmisi vurğulayıb.
