İran İnqilab Keşikçiləri Korpusu – SEPAH-ın Əfqanıstan vətəndaşlarından ibarət daha 2 muzdlusu Əli Nəcib Məhəmmədi və Səməd Cəmşidi Suriyada gedən döyüşlərdə həlak olub.
Gunaz.az Teleqraf.com-a istinadən xəbər verir ki, Bəşər Əsəd rejiminə dəstək məqsədilə bu ölkəyə göndərilmiş SEPAH-ın muzdlu Əfqanıstan vətəndaşlarından ibarət “Fatimiyyun” briqadasının hər iki üzvü bir neçə gün əvvəl Suriyada müxaliflərə qarşı keçirilən əməliyyatda həlak olub. Cənazələri ölkəyə gətirilən əfqan SEPAH-çılar Tehranda dəfn ediliblər.
Qeyd edək ki, İran hökuməti B.Əsədə yardım məqsədilə Suriyaya göndərdiyi daxili və xarici muzdluları “Zeynəb hərəminin müdafiəçiləri” adlandırır. Son illər minlərlə SEPAH-çı Əsədə müxalif qüvvələrin əli ilə öldürülüb.
Həlak olanların əksəriyyətini isə İranda qaçqın həyatı yaşayan SEPAH-ın Əfqanıstan və Pakistan vətəndaşlarından ibarət “Fatimiyyun” və “Zeynəbiyyun” briqadalarının muzdluları təşkil edir.
