ABŞ prezidenti Donald Tramp Ağ Evdə yüksək vəzifəli ordu komandirləri ilə görüşündə İran və Şimali Koreya mövzularını müzakirə edib.
Gunaz.az xariri KİV-ə istinadən xəbər verir ki, prezident görüşdən sonra ordu komandirləri və onların həyat yoldaşları ilə foto çəkilişi zamanı fırtına xəbərdarlığı edib.
“Bunun nə anlama gəldiyini bilirsinizmi? Bəlkə də fırtına öncəsi sessizlikdir”, - Ağ Evin sahibi deyib.
Jurnalistlərdən biri bu sözlərin hansı anlam daşıdığını soruşub.
“Görəcəksiniz”, - Tramp qısa cavab verməklə kifayətlənib.
Tramp görüş zamanı bildirib ki, Şimali Koreya ilə bağlı əsas hədəf ölkənin nüvə silahlarından təmizlənməsidir: “Bu diktatorluğun ölkəmizi və ya müttəfiqlərimizi təsəvvür edilməyəcək itkilərlə təhdid etməsinə icazə verə bilmərik. Bunun baş verməsinin qarşısını almaq üçün lazımı addımları atacağıq”.
ABŞ prezidenti bildirib ki, ABŞ-ın milli maraqlarını baltalayan bütün güclər çoxdan məhv edilməli idi.
“Amma bu işi görmək mənə qalıb”, - o söyləyib.
Tramp İranın da nüvə silahına sahib olmasına icazə verməyəcəklərini ifadə edib: “İran terroru dəstəkləyir və Yaxın Şərqə xaos ixrac edir. İranın bu təcavüzkarlığına və nüvə silahına olan ehtirasına son qoymalıyıq. İmzaladıqları razılaşma qaydalarına riayət etmədilər”.(Publika.az)