Oktyabrın 8-də Tbilisidə GUAM ölkələri Xarici İşlər Nazirlərinin görüşü keçiriləcək.
“Report”un Gürcüstan bürosu xəbər verir ki, görüş GUAM-ın yaranmasının 20-ci ildönümünə həsr olunub.
Azərbaycan, Gürcüstan, Ukrayna və Moldova xarici işlər nazirlərinin toplantısında, təşkilat daxilində əməkdaşlığın daha da genişləndirilməsi, ikitərəfli və çoxtərəfli əməkdaşlıq, fəaliyyət planı və s. məsələlər müzakirə olunacaq.
Görüşün sonunda fəaliyyət planı və əməkdaşlığın genişləndirilməsinə dair sənədlər imzalanacaq.
Toplantıda iştirak edəcək Azərbaycanın xarici işlər naziri Elmar Məmmədyarvun Gürcüstanın dövlət və hökumət üzvləri ilə görüşləri də nəzərdə tutulub.
Gunaz.az
