Ermənistan Azərbaycan üzərindən internet trafikinin tranzitinə dair heç bir təhlükə və ya risk görmür.
GunAz.az xəbər verir ki, bunu Ermənistan Baş naziri Nikol Paşinyan deyib.
"Biz daim deyirik ki, Ermənistan tranzit qovşağına çevrilməlidir. Ermənistan üzərindən nə qədər çox axın keçərsə, ölkəmizin iqtisadi və siyasi çəkisi, eləcə də təhlükəsizlik səviyyəsi bir o qədər yüksələr. Buna qarşı çıxanlar Ermənistanın münaqişə dalanında qalmasını istəyirlər. “Sülh qovşağı” konsepsiyası ölkə ərazisindən şimal-cənub və şərq-qərb istiqamətlərində daha çox kabel, boru kəməri, yol, marşrut və hava xətlərinin keçməsini nəzərdə tutur. Bu, sülh və təhlükəsizliyin təminatıdır", - o bildirib.
