Britaniya, Fransa, ABŞ və indi də Almaniya Ukraynaya hərbi təchizatla bağlı məhdudiyyətləri aradan qaldırıb, Kiyev Rusiya ərazisindəki mövqelərə uzaqmənzilli silahlarla hücum edə bilər.
GunAz.az xəbər verir ki, bunu Almaniya kansleri Fridrix Merz deyib.
“Artıq Ukraynaya tədarük edilən silahlara dair heç bir mənzil məhdudiyyəti yoxdur - nə ingilislər, nə fransızlar, nə biz, nə də amerikalılar. Bu o deməkdir ki, Rusiya ərazisindəki hərbi mövqelərə zərbələr endirməklə Ukrayna indi özünü müdafiə edə bilər. Müəyyən bir vaxta qədər o, bunu edə bilməzdi”, - Merz bildirib.
Kanslerin sözlərinə görə, indi Ukraynanı bu silahlarla təmin etmək lazımdır.
