“Türk Hava Yolları” aviaşirkəti (THY) Beyruta bütün uçuşları dayandırıb.
GunAz.az “Airlinehaber”ə istinadən xəbər verir ki, buna səbəb İsrailin Beyruta etdiyi hava zərbələri olub.
THY, həmçinin İran, İordaniya, İraq və Livana da uçuşları ləğv edib.
Qərar bölgədəki təhlükəsizlik və artan gərginlik fonunda alınıb.
Xatırladaq ki, bu gün “Hizbullah” hərəkatının yüksəkrütbəli komandiri Fuad Şukr öldürülüb. İsrail Müdafiə Qüvvələri onun Livanın paytaxtı Beyrutda İsrailin hava hücumu nəticəsində öldürüldüyünü təsdiqləyib.
