Yəməndəki vətəndaş müharibəsində ölənlərin sayı 91600 nəfərə çatıb.
GunAz.az xəbər verir ki, bu məlumat Silahlı Konfliktlərin Nəticələrinin Dəyərləndirilməsi Layihəsinin (ACLED) hesabatında yer alıb. Hesabata əsasən, konflikt zamanı Səudiyyə Ərəbistanının rəhbərlik etdiyi koalisiya 8 min mülki vətəndaşı qətlə yetirib. 2019-cu il ərzində isə konflikt nəticəsində 11900 nəfər həlak olub.
Vətəndaş müharibəsinin ən çox ölümə səbəb olduğu dövr 2018-ci il olub. Bu ildə 30800 nəfər həlak olub.
ACLED hesabata humanitar fəlakətlər nəticəsində ölənlərin sayının daxil edilmədiyini açıqlayıb.
Qeyd edək ki, Yəməndəki vətəndaş müharibəsi 2014-cü ildən bu yana davam edir.
N.SAFURA
