Xocalı faciəsinin 26-cı ildönümü ilə bağlı məktəbimizdə V a və V b sinif şagirdlərinin iştirakı ilə “Xocalı əsrin faciəsi” adlı tədbir keçirildi.
Gunaz.az ONN media-ya istinadən xəbər verir ki, tədbirdə Sabunçu rayon Gənclər və İdman İdarəsinin aparıcı mütəxəssisi Mənzər xanım, Beynəlxalq İdeal Sülhün təbliği fondunun təsisçi rəhbəri Əlikram Müzəffər, Beynəlxalq İdeal Sülhün təbliği fondunun Azərbaycan nümayəndəliyinin sədri Bilman Allahverdiyev, Sabunçu rayon Mərkəzi kitabxanasının abonoment bölmə müdiri Dadaşova Cəmilə, Sabunçu rayon 
Mərkəzi kitabxanasının Oxuculara xidmət şöbəsinin baş kitabxanaçısı Qasımova Təhminə iştirak edirdi. Məktəblilər Xocalı soyqırımı haqqında məruzələrlə çıxış edib, şeirlər səsləndirdilər. Xocalıda baş verənlər səhnələşdirilərək əyani şəkildə iştirakçılara çatdırıldı. Eyni zamanda Xocalı faciəsindən bəhs edən videoçarxla erməni işğalçılarının dinc əhaliyə qarşı törətdiyi insanlığa sığmayan vəhşiliklər nümayiş etdirildi. Bu cür tədbirlərin keçirilməsində əsas məqsəd şagirdlərə vətənpərvərlik ruhunu aşılamaq, tariximizi, erməni vəhşiliklərini unutmamaqdır. Sonda məktəbin direktoru Arizə xanım Mahmudova tədbirə yekun vuraraq, mərasimin hazırlanmasında əməyi olan müəllimlərə, bədii hissədə öz çıxışı ilə diqqəti cəlb etmiş şagirdlərə və tədbirdə iştirak edən qonaqlara təşəkkür etdi.
