Əhalinin siyahıyaalınmasına hazırlıq və onun keçirilməsi ilə bağlı mərkəzi və yerli icra hakimiyyəti orqanlarının, idarə, müəssisə və təşkilatların fəaliyyətinin əlaqələndirilməsiməqsədilə Nazirlər Kabinetinin qərarı ilə əhalinin siyahıyaalınmasına yardım üzrə Mərkəzi Komissiya yaradılacaq.
GunAz.az xəbər verir ki, bunu Baş nazir Əli Əsədov Nazirlər Kabinetinin əhalinin növbəti siyahıyaalınmasının keçirilməsi ilə bağlı məsələlərə həsr olunmuş iclasında deyib.
Baş nazir bildirib ki, Komissiyanın sədri qismində tərəfimdən Baş nazirin müavini Samir Şərifov müəyyən edilib: “Aidiyyəti qurumlar Komissiyanın tərkibinin formalaşdırılması üçün rəhbər müavini səviyyəsində namizədlərini 10 gün müddətində təqdim etməlidirlər”.
