ABŞ-ın Texas ştatında atışma baş verib.
GunAz.az “RİA-Novosti” agentliyinə istinadən xəbər verir ki, bu haqda ştatın ictimai təhlükəsizlik üzrə idarəsindən bildirilib.
Məlumata görə, hadisə sakinlərdən birinin azyaşlı övladının ad günü münasibətilə keçirdiyi şənlik mərasimində baş verib. Atışma nəticəsində yaşları 20-dən 62-yə qədər olan 4 kişi həlak olub. Onlardan üç nəfəri eyni soyadı daşıyır. Onların bir ailənin üzvü olduğu təxmin edilir.
Bir şübhəli saxlanılıb, onun adı açıqlanmayıb. Atışmanın səbəbləri haqqında məlumat yoxdur.
