ABŞ-ın Kentukki ştatında məktəblərin birində atışma baş verib.
Gunaz.az xəbər verir ki, bu barədə ştatın qubernatoru Mett Bevin özünün "Twitter" səhifəsində yazıb. Onun sözlərinə görə, hadisə nəticəsində azı 5 nəfər yaralanıb.
“Marşal dairəsinin məktəbində faciəli atışma baş verib. Atəş açan şəxs saxlanılıb. Bir nəfərin öldüyü və bir çox insanın yaralandığı təsdiqlənib”, - deyə Mett Bevin bildirib.
Qubernator əlavə edib ki, məktəbə hücumu törədən şəxs polis tərəfindən saxlanılıb.
Hazırda hadisənin təfərrüatları araşdırılır.
