İraqda hökumət əleyhinə etiraz aksiyaları bərpa olunub.
GunAz.az xəbər verir ki, Çoxminli mitinqlər paytaxt Bağdad, Bəsrə, Kərbəla, Nəcəf, Zikarə, Divaniyə və Musannə şəhərlərində keçirilib. Nümayişçilər tələb edir ki, ölkədə idarəçilik prezident üsul-idarəsi formasına keçirilsin, ictimai xidmətlərin keyfiyyəti artırılsın, yeni iş yerləri yaradılsın və korrupsiya ilə ciddi şəkildə mübarizə aparılsın. Bağdadın Təhrir meydanına təşkil olunan mitinqdə aksiya iştirakçıları konstitusiyada dəyişiklik tələbləri səsləndirilıib. Polis aksiyanın keçirildiyi ərazidə xoşagəlməz insidentlərin baş verməməsi üçün mərkəzi prospektə giriş-çıxışı bağlayıb. Bundan başqa, hökumət obyektləri və səfirliklərin yerləşdiyi “Yaşıl zona”nın girişində təhlükəsizlik tədbirləri gücləndirilib.
