ABŞ Rusiyaya Suriyanın Deyr-ez-Zor şəhərinin gələcəyi haqqında məsələ ilə əlaqədar görüş keçirməyi təklif edib.
GUNAZ.az “RİA-Novosti” agentliyinə istinadən xəbər verir ki, bu haqda vəziyyətlə tanış olan hərbi-diplomatik mənbə bildirib.
“Onlar (amerikalılar - red.) dedilər ki, cari həftədə görüşək və Deyr-ez-Zorun gələcəyi haqqında danışaq. Biz şəhərin məsuliyyət zonalarına bölünməsindən danışırıq”, - agentliyin həmsöhbəti deyib.
Onun sözlərinə görə, Rusiya artıq şəhərin məsuliyyət zonalarına bölünməsi üzrə ilkin təkliflərini ABŞ-a təqdim edib.
Həmçinin görüşdə İŞİD terror qruplaşması ilə mübarizə üzrə hərəkətlərin koordinasiyasının müzakirə edilməsi planlaşdırılır.
Qeyd edək ki, sentyabrın 5-də Suriya ordusu Deyr-ez-Zorda İŞİD-in üçillik mühasirəsini yarıb.
