SON DƏQİQƏ
» » İlham Əliyev braziliyalı həmkarını təbrik etdi

İlham Əliyev braziliyalı həmkarını təbrik etdi

Tarix:

7-09-2023, 12:20

/ 1 649 dəfə oxundu.
İlham Əliyev braziliyalı həmkarını təbrik etdi

Prezident İlham Əliyev Braziliya Federativ Respublikasının Prezidenti Luiz İnasio Lula da Silvaya təbrik məktubu ünvanlayıb.


Məktubun mətnini təqdim edir:


"Hörmətli cənab Prezident,


Braziliya Federativ Respublikasının milli bayramı – Müstəqillik Günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi çatdırıram.


Bu il Azərbaycan ilə Braziliya əlamətdar ildönümünü – diplomatik münasibətlərin qurulmasının 30 illiyini qeyd edəcəkdir. İnanıram ki, birgə səylərimizlə dövlətlərarası əlaqələrimiz xalqlarımızın mənafelərinə uyğun olaraq həm ikitərəfli qaydada, həm də beynəlxalq təsisatlar çərçivəsində bundan sonra da dostluq və əməkdaşlıq məcrasında inkişaf edəcəkdir.


Bu bayram günündə Sizə möhkəm cansağlığı, xoşbəxtlik, işlərinizdə uğurlar, xalqınıza daim əmin-amanlıq və rifah diləyirəm".

скачать dle 12.1

Şərhlər

XƏBƏR LENTİ