Parisin cənub-qərbində yerləşən yaşayış evlərindən birində baş verən yanğın zamanı azı yeddi nəfər ölüb, 28 nəfərə xəsarət alıb.
Bununla bağlı RTL radiostansiyası məlumat yayıb.
Yaralılardan birinin vəziyyəti ağırdır. Yanğın Parisin 16-cı dairəsində Erlanj küçəsindəki səkkiz mərtəbəli binada gecə saatlarında meydana gəlib.
Yanğının söndürülməsinə 200-ə yaxın yanğınsöndürən cəlb edilib. Sakinlər təxliyyə edilib. Hadisənin səbəbləri məlum deyil.