
Bakıda itkin düşən şəxs Quba yolunda tapılıb.
GunAz.az DİN-ə istinadən xəbər verir ki, yanvarın 19-da Bakı şəhər sakini R.Mirzəyevin itkin düşməsi barədə polisə müraciət daxil olub.
Onun həmin gün saat 20 radələrində “Renault” markalı avtomobili ilə getdiyi bildirilib. Həmin avtomobilin Bakı-Quba yolunda hərəkətdə olması müəyyən edilib.
R.Mirzəyev “Renault” markalı avtomobillə Bakı-Quba yolunun 15-ci kilometrliyində tapılıb.