On yeddi gün əvvəl itkin düşən Quba rayon sakini tapılaraq ailəsinə təhvil verilib.
GunAz.az bildirir ki,Daxili İşlər Nazirliyinin Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, rayonun Aşağı Atuc kənd sakini, 19 yaşlı Elmar Məmmədov dekabrın 7-də yaşadığı evdən çıxaraq bir daha geri qayıtmayıb.
Bundan narahat olan ailəsi onun tapılması üçün Quba Rayon Polis Şöbəsinə müraciət edib.
Polis əməkdaşlarının həyata keçirdikləri əməliyyat-axtarış tədbirləri nəticəsində həmin şəxs dekabrın 22-də Bakı şəhəri ərazisində tapılaraq ailəsinə təhvil verilib.
