Gəncədə yol-nəqliyyat hadisəsi baş verib.
Bu barədə Daxili İşlər Nazirliyinin Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov bildirib.
Hadisə Bayraq meydanı yaxınlığında qeydə alınıb. “Mercedes” avtomobili ilə yol polisinə məxsus BMW toqquşub. Hadisə nəticəsində heç kim xəsarət almayıb. Faktla bağlı araşdırma aparılır.
