Ukraynaya gedən gəmi Türkiyə sahillərində batıb.
Bu barədə Antalya vilayətinin qubernatoru Ersin Yazıçı məlumat verib.
Məlumata görə, gəmidə ümumilikdə 14 ekipaj üzvü olub. Onlardan 5-i artıq xilas edilib.
Türkiyə Sahil Mühafizəsinin açıqlamasında bildirilib ki, Qvineya-Bisau bayraqlı gəmi aprelin 5-də yerli vaxtla saat 03:47-də Kumluca şəhəri sahillərində İskəndərun-İzmail marşrutu üzrə hərəkətdə olarkən batıb.
Axtarış-xilasetmə əməliyyatına iki helikopter və sahil mühafizəsinin bir təyyarəsi cəlb olunub.
Hadisə ilə bağlı Kumluca Baş Prokurorluğunda araşdırmalara başlanılıb.
