Əfqanıstan hökuməti Talibanla aparılan sülh danışıqları ilə bağlı bütün addımlarını dayandırıb.
GunAz.az AvaPress-ə istinadla xəbər verir ki, bunu Əfqanıstan Prezident Administrasiyasının sözçüsü Siddiq Siddiqi dyeib.
Əfqanıstan rəsmisi bildirib ki hökumət ölkədə 28 sentyabrda keçiriləcək prezident seçkilərinə görə sülh prosesilə bağlı bütün addımlarını dayandırıb.
"Gələck hökumət sülhün yol xəritəsini hazırlayacaq. Biz sülh danışıqlarına riayət edirik. Onun dayanmasında əsas səbəbkar Talibandır", deyə S.Siddiqi bildirib ki hazırda Əfqanıstan hökuməti üçün əsas məsələ seçkilərin təhlükəsiz qaydada keçirilməsidir.
Qeyd edək ki, cari ayın sonunda Əfqanıstanda keçiriləcək prezident seçkilərində 11 siyasətçi o cümlədən hazırki prezident Əşrəf Qəni və baş nazir Abdullah Abdullah bir-birilə rəqabət aparacaqlar.
Xatırladaq ki, Talibanın intensiv hücumlarından sonra ABŞ prezidenti hərəkatla danışıqları dayandırdığını bildirib.
