Ötən gecə İraqda Haşd-Şabinin bir qərargahına hava zərbələri endirilib.
GunAz.az Sumariya Agentliyinə istinadla xəbər verir ki, İraqın əl-Ənbar əyalətinin Hit qəzasında Haşd-Şabinin "Həşd- əl-Əşairi" adlı hərbi briqadasının bir qərargahına naməlum pilotsuz təyyarələr tərəfindən hava zərbələri endirilib.
Bu barədə məlumat verən İraq hərbi mənbəsi hava zərbələri nəticəsində Haşd-Şabinin silah anbarında yüngül silahların olduğu bölmədə partlayışın baş verdiyini bildirib. Ölənlərin olmadığı deyilir.
Qeyd edək ki, eyni gündə Suriyanın İraqla sərhəd bölgəsi Bu-Kamal şəhəri ərazisində də orduya dəstək verən iraqlı və iranlı həbir qüvvələrin qərargahı naməlum PUA-ların hücumuna məruz qalıb. Bu hücumların İsrail tərəfindən həyata keçirildiyi iddia edilir.