İran Cəbəli-Tariq sahilləri yaxınlığında Britaniya tərəfindən saxlanılan neft gəmisinə görə yenidən bu ölkənin səfirini XİN-ə çağırıb.
GunAz.az FarsNews-a istinadla xəbər verir ki, İranın neft gəmisinin saxlanılması fonunda Britaniya səfiri Robert Maker son həftədə üçüncü dəfə XİN-ə çağrılıb.
Məlumata görə, səfir XİN-ə çağrılaraq, Britaniya tərəfindən saxlanılan İran gəmisinin ətrafında baş verən hadisələr və məsələnin həlli yolları müzakirə edilib.
Qeyd edək ki, Britaniyanın müxtariyyət səlahiyyətli regional hökuməti hesab edilən Cəbəli-Tariq ötən həftə elan edib ki, Suriyaya neft daşıyan böyük bir gəmi Aİ sanksiyalarını pozduğuna görə saxlanılıb.
Cəbəli-Tariq Məhkəməsi gəminin 14 gün saxlanılması qərarını verib. İran gəminin buraxılmayacağı təqdirdə sözügedən addımın cavabsız qalmayacağını bəyan edib.
