Türkiyədə CHP-İYİ ittifaqı heç də birmənalı qarşılanmayıb.
Axar.az xəbər verir ki, CHP-nin Balıkəsirdə yerini İYİ Partiyasına verməsi bu bölgədə gərginliyə səbəb olub. Belə ki, bir qrup partiyaçı CHP-nin Balıkəsirdən olan namizədi Əhməd Akarın geri çəkilməsinə etiraz edib.
Partiyanın Balıkəsirdəki bölgə binasına toplaşan etirazçılar Kılıçdaroğlunu istefaya çağırıblar.
Qeyd edək ki, bir müddət öncə CHP-İYİ arasında bələdiyyə seçkiləri ilə bağlı ittifaq qurulub. Razılaşmaya əsasən, İYİ Ankara, İstanbul və İzmirdə CHP-yə güzəştə gedir, qarşılığında isə CHP Ordu, Samsun, Trabzon, Manisa, Dənizli və Balıkəsirdə geri çəkilir.
