ABŞ-ın Mərkəzi Kəşfiyyat İdarəsinin (MKİ) xarici ölkələrdəki məlumat mənbələri ilə əlaqə saxladığı elektron sistemlərə İranın xüsusi xidmətləri müdaxilə edib.
GunAz.az bildirir ki, bu barədə "Yahoo News" portalı məlumat yayıb.
Hadisə hələ 2010-cu ildə baş verib. Nəticədə MKİ ilə əməkdaşlıq edən bir çox şəxs ifşa olunub və qətlə yetirilib.
Ehtimal edilir ki, İran MKİ-nin məxfi saytı barədə xüsusi xəfiyyəsi vasitəsi ilə məlumatlandırılıb. İfşalar da bundan sonra başlayıb.
Təkcə 2011-ci ildə iranlılar 30 xəfiyyədən ibarət şəbəkəni zərərsizləşdiriblər. MKİ ilə əməkdaşlıq edənlərin əksəriyyəti edam olunub, bir neçəsi isə həbs edilib. Onlardan yalnız bir neçəsini ABŞ ölkədən çıxara bilib.(Oxu.az)
