İndoneziyanın Sulavesi adasında zəlzələ və sunami nəticəsində ölənlərin sayı 1650 nəfərə çatıb, 563 nəfər isə itkin düşüb. “Detik” xəbər portalının yaydığı məlumata görə, bu rəqəmi ölkənin siyasi, ədliyyə və təhlükəsizlik məsələləri üzrə nazir-əlaqələndirici Viranto açıqlayıb.
GunAz.az TASS informasiya agentliyinə istinadla xəbər verir ki, Viranto həlak olanların hamısının şəxsiyyətinin müəyyən edilmədiyini söyləyib. Etiraf edib ki, infeksion xəstəliklərin yayılmasına yol verməmək məqsədilə ölənlər təcili dəfn edilməlidir
Xatırladaq ki, sentyabrın 28-də İndoneziyada 7,4 bal gücündə zəlzələ baş verib, 360-dan çox afterşok qeydə alınıb. Güclü yeraltı təkanlar sunamilərin meydana gəlməsinə gətirib çıxarıb, dalğanın hündürlüyü 5-7 metr olub.
