Cənubi Afrika Respublikasının Eastern Cape əyalətinin bir kəndində ilan vurması nəticəsində ölən inəyin ətini yeyən 50 nəfər müalicə altına alınıb.
Gunaz.az xəbər verir ki, səhiyyə departamentinin mətbuat sözçüsü Sizwe Kupelo xəstələrin qusma, baş ağrısı və mədə ağrısından şikayətləri ilə müraciət etdiyini açıqlayıb. Xəstə sayının artması ehtimalına qarşı regiondakı digər xəstəxanaların xəbərdarlıq edildiyini qeyd edən Kupelo, ölkədə geniş yayılmış olan ölü heyvan əti istehlakının təhlükələrinin bir daha diqqət çəkdiyini deyib.