Türkiyə prezidenti Rəcəb Tayyip Ərdoğan Afrin əməliyyatında türk ordusu ilə Azad Suriya Ordusunun indiyə qədər 7-8 şəhid verdiyini açıqlayıb.
Gunaz.az "Qafqazinfo" -a istinadən xəbər verir ki, Türkiyə lideri öldürülən terrorçu sayının 268 olduğunu bildirib:
“Zeytun budağı” hərəkatı uğurla davam edir. Türkiyə Silahlı Qüvvələri və Azad Suriya Ordusu addım-addım Afrini nəzarəti altına alır. Son bir neçə ildə 5 min TIR və 2 min təyyarə dolusu silahla təmin edilən terror təşkilatının son üzvü də məhv edilənə kimi bu əməliyyat davam etdiriləcək".
Qeyd edək ki, açıqlama yayan YPG terrorçuları isə əməliyyatda 203 türk əsgərinin öldürüldüyünü iddia ediblər.
