İslam Əməkdaşlıq Təşkilatının ötən gün İstanbulda keçirilmiş iclasında əsas məqsəd ABŞ-ın Qüdslə bağlı məlum qərarını boykot etmək idi.
Bu sözləri Axar.az-a açıqlamasında Nəzakət Məmmədova deyib. O bildirib ki, burada maraqlı məqam bəzi ərəb ölkələrinin ABŞ-a qarşı sanksiyalar təklif etməsinə Türkiyənin qarşı çıxması oldu:
“Toplantıda Fələstinin paytaxtı olaraq Qüdsün tanınmasına dair çağırış etmək bütün iştirak edən ölkələrin ortaq qəbul etdiyi qərardır. Ancaq Türkiyə ABŞ-a sanksiyalar təklifinə qarşı çıxdı və bunu ABŞ kimi böyük dövlətə ərəb ölkələrinin sanksiya tətbiq etməsinin mümkün olmaması ilə əlaqələndirdi. Ona görə də ABŞ-a qarşı sanksiya tətbiq etməklə bağlı ərəb ölkələrinin çağırışı bəyanatda əksini tapmadı".
Qeyd edək ki, ötən gün İstanbulda İslam Əməkdaşlıq Təşkilatının Qüdslə bağlı fövqəladə iclası keçirilib.
Gunaz.az
