Türkiyə Prezidenti Rəcəb Tayyib Ərdoğan ABŞ Prezidenti Donald Trampla görüşündə İraq Kürd Muxtar Vilayətindəki referendum məsələsini müzakirə edəcək.
GUNAZ.az xəbər verir ki, bunu jurnalistlərə açıqlamasında Ərdoğanın özü söyləyib.
“Referendumla bağlı vəziyyət bizi narahat edir. İraq Kürd Muxtar Vilayətinin rəhbərliyi öz mövqeyindən əl çəkmir. ABŞ-da mən İraq Baş naziri Heydər Abadi ilə bu məsələni müzakirə edəcəyəm. Mən xüsusi diqqəti ABŞ Prezidenti Donald Trampla görüşə ayıracam. Burada da eyni məsələni qaldıracağıq” – deyə o bildirib.
